LEGAZPI CITY — Otorisado nang mag sponsor nin global cockfighting an sarong munisipyo katakod kan bagong pasar na ordinansa sa probinsya.
Segun ki Board Member Job Belen, kakabit man kaini an pagsisingil nin buwis sa mga naglalaog sa bulangan ngani na magkaigwa man nin revenue an probinsya asin an banwaan.
Segun sa opisyal, sa panahon ngunyan, kadakol na an nagbubulang sa mga televised cockfihting maski pa bako scheduled kan bulang kaya dakulang tabang an teknolohiya.
Dugang pa ni Belen na makakatabang sa mga proyekto kan probinsya kan Albay an mga makokolekta na buwis hali sa mga parabulang asin tagsadiri kan bulangan.
Klinaro man kaini na an mga nagpapabulang an nagigibo nin paagi ngani na magkaigwa nin mga kinakaipuhan na gamit para sa live streaming na bulang.
Tinawan duon man kan opisyal na kinakaipuhan na magpadara an syudad nin mga personahes hali sa treasurer’s office ngani na mabantayan an mga pig-release na ticket asin mamonitor ini.
