LEGAZPI CITY-Kamawotan kan sarong kongresista na aprobitsaran an pagkakaigwa nin permanenteng resettlement para sa mga residentes na nasa 6km permanent danger zone kan Bulkang Mayon.
Segun kay Albay 1st District Representative Congresswoman Krisel Lagman-Luistro, sa intrevista kan Bombo Radyo Legazpi na bako na ini bago kun kaya kinakaipuhan nang magkaigwa nin pang-matagalan na solusyon.
Obheto suboot kaini na antisiparan an kada pag-alburuto kan Bulkang Mayon kun sain dai na ninda kinakaipuhang mameligro pa.
Dagdag pa kan opisyal na nasa 300 na pamilya na an nasa permanenteng resettlement sa San Vicente Tabaco City kun sain may kanya-kanyang sadiri na ining mga kaharongan.
Nagtatabangan man sinda karibay an mga lokal na gobierno ngani makabitan ini nin mga kinakaipuhanang solar power.
Tututukan man suboot ninda katuwang an iba pang katakod na mga ahensya an tulos na tabang pangkabuhayan asin pang matagalan na mga solusyon.
