LEGAZPI CITY-Padagos an pagbabantay kan Provincial Disaster Risk Reduction and Management Office kan Catanduanes kasunod kan pagtaas kan Signal No. 1 huli sa Tropical Depression Paolo
Segun kay Catanduanes PDRRMO Operations Section Chief Roberto Monterola, sa intrevista kan Bombo Radyo Legazpi, na pigbabantayan na ninda an movement kan bagyong Paolo kun sain enkaso masusunod an track kaini, an magigin safe an provincia alagad maapektaran an parteng Norte kan Catanduanes.
Kasunod kan pagtaas kan signal warning, an intense monitoring na suboot an pigsasagibo kairiba na an southern part kan provincia.
Mientrastanto, otomatikong naka “no sailing policy” na suboot an Philippine Cost Guard kasunod kan advisory.
Sa presente, naka-alerto na man an ahensya asin padagos sindang nagbabantay enkaso magpaotob nin evacuation asin magpaluwas nin iba pang advisory.
Abiso man kan opisyal sa gabos an magin vigilant, antabayanan an masunod na bulletin, asin tulos man sindang ma-enforce nin alert status asin iba pang mga preparasyon.
