LEGAZPI CITY-Naka-blue alert status na an Local Disaster Risk Reduction and Management Office kan Catanduanes para sa obserbasyon kan Undas ngonian na taon.
Segun ki Provincial Disaster Risk Reduction and Management Office Catanduanes Emergency Operations Chief Roberto Monterola, sa intrevista kan Bombo Radyo Legazpi, enterong munsipyo an naka-blue alert status.
Naka-deploy na man an saindang mga respective alert teams asin iba pang nasa opisina bilang pag-asigurar sa gabos na sitwasyon.
Nakipag-koordinar na man suboot sinda sa Philippine National Police sa pag-asigurar kan mga contact numbers enkaso igwang mga rerespondihan.
Dugang pa kan opisyal na kumpara kan nakaaging taon, mas dagsa ngonian an mga nagsisibalikan sa Isla sa saindang pier.
Mahigot man na pigpapagirumdom kan opisyal an pagbabawal sa pagdara asin pag-inom nin alak sa paglaog sa mga sementeryo.
Wara man suboot nin kariribukan kan nakalihis na taon sa saindang lugar tuyong undas alagad naka-alerto man giraray an saindang ahensya ngani maibitaran an anumang insidente.
Dagdag pa ni Monterola na padagos an saindang pag-antabay asin may mga naka-patrolya man na mga medic bilang dugang sa saindang pagreposponde sa anumang sitwasyon.
