LEGAZPI CITY—Nagpatanid an Provincial Disaster Risk Reduction and Management Office kan Catanduanes sa publiko na mag-ingat sa posibleng landslide dara kan namamateang pag-uuran sa probinsya.
Segun ki Roberto Monterola, an Emergency Operations Chief kan PDRRMO Catanduanes, sa intrevista kan Bombo Radyo Legazpi, na wara pang naire-report na landslide sainda, alagad piglalaoman na kan saindang opisina na posibleng magkaigwa nin landslide huli sa raot nin panahon lalo na kan shearline asin amihan.
Dugang kaini na an mga surunod-sunod na aldaw nin pag-uuran an nagigin kawsa kan paglumoy kan kadagaan huli para magkaigwa nin landslide.
Mientrastanto, susog sa state weather bureau nakakaeksperyensya an probinsya nin heavy to intense na pag-uuran.
