LEGAZPI CITY – Nagpatanid sa publiko an Philippine Drug Enforcement Agency (PDEA) Bicol mapadapit sa mga indibidwal na bako otorisadong naggagamit kan pangaran asin logo kan ahensya.
Segun ki PDEA Bicol Spokesperson Carlo Fernandez sa intrevista kan Bombo Radyo Legazpi na ipinaluwas ninda an nasabing patanid makalihis manotaran an sarong lalaki na nakasulot nin PDEA T-shirt asin kan napag-araman an nabakal man sana online.
Mahigot ining ipinagbabawal an paggamit o pagsulot kan mga bagay na may logo kan saindang departamento o maski anong law enforcement agencies huli ta pwedesir sindang mapanimbag sa kasong may kinaaraman sa Article 177 kan Revised Penal Code o an Usarpation of Authority or Official Functions.
Maski suboot sinda an dae nagsusulot kan uniform kan ahensya kun bako man offical activities an saindang dudumanan.
Pigtaram pa kan opisyal na kasabay man sa pagpapaluwas nin patanid an pagtataong impormasyon sa publiko na may penalidad na naghahalat sa kun siisay man an mapapatunayang indibidwal na naggamit o nagsulog kan logo kan ahensya.
Nakikipagkoordinar na man sinda sa mga online shopping applications na tanggalon an mga kaparehong produkto huli ta pwedesir ining magamit kan iba sa salang gawi na nagpaparaot man sa ngaran asin reputasyon kan ahensya.
Pagdoon man ni Fernandez na dae magduwang isip na isumbong an mga persona na mahihiling na nakasulot nin may logo kan PDEA nganing matawan ini nin magkakanigong aksyon.
 Bicol has warned the public against individuals who are not authorized to use the name and logo of the agency.){kind=link}