LEGAZPI CITY—Padagos na nangangapudan an Philippine Drug Enforcement Agency Albay sa mga naggagamit asin nagpapabakal nin mga ilegal na droga na sinda magbagong buhay na.
Segun ki Albay PDEA Officer Noe Briguel, sa intrevista kan Bombo Radyo Legazpi, an gobyerno yaon para magtabang sa sainda kun saen igwa nin duwang intervention programs sa lambang local government units sa probinsya kan Albay.
Dugang kan opisyal na an mga naggagamit nin mga ilegal na droga pwedesir na magsairarom sa rehabilitation intervention program.
Mantang sa mga nagpapabakal nin mga ilegal na droga pwedesir sindang magsairarom sa reformatory intervention program.
Mientrastanto, nagpatanid man an opisyal sa komunidad na magin mapagmatiyag, asin dae matakot na mag-report sa saindang opisina para mapuho na an mga ilegal na droga sa nacion.
