LEGAZPI CITY- Nagkaigwa nin blessing asin innauguration an Philippine Drug Enforcement Agency Albay sa pang 13 na Balay Silangan sa banwaan kan Pioduran Albay.
An Balay Silangan an sarong reformatory intervention center na pigcacater an mga PWUDS o persons who use drugs na may remarks na pusher kun saen pigtatabangan ini na malingawan na an saindang iligal na gibo asin matawan nin legal na hanapbuhay.
Sa ngunian igwa nalang sa probinsya nin Albay nin 5 natatadang munisipyo an dae pa naka-istablisyar nin Balay Silangan iyo an Bacacay, Daraga, Oas, Rapu-rapu asin Sto Domingo.
Sa Oas, pighahalat nalang suboot an approval kan Sanggunian na matugutan na an Mayor na magkaigwa nin memorandum sa Balay Silangan mantang an iba pang banwaan an naghahanda naman sa pag inagurar kaini.
Segun kay Noe Briguel, an Pdea Albay Provincial Officer sa naging intrevista kan Bombo Radyo Legazpi na nakikuhuron sinda sa korte na kun enkaso igwang mag avail nin Plea Bargaining sa kaso kan droga na idiretso nalang sa intervention program kan Balay Silangan mantang pigsusugo an mga pusher na mag-atendir nin rehabilitation program.
Mientrastanto, pangapudan man kaini sa mga nalululong sa iligal na droga na magduman sa saindang mga local chief executives para matawan nin rehabilitation program.
Pangapudan man kan opisyal sa publiko na kun may mga namomonitor na imbwelto sa droga an tulos na ipaabot sa kapulisan o kaya sa saindang opisina.
