Pigkumpirmar ni Speaker Ferdinand Martin Romualdez na magiging libre na an pagpapa-ospital kan mga Pilipino huli ta sisimbagon na kan Philippine Charity Sweepstakes Office o PCSO an professional fees kan mga doktor.
Ginibo ni Speaker Romualdez an pahayag makalihis an pakikipagmeeting kaini kina PSCO General Manager Melquiades Robles asin Philippine Medical Association (PMA) President Dr. Hector Santos Jr., kan Miyerkoles sa tabang ninda Deputy Majority Leader for Communications asin ACT-CIS Partylist Rep. Erwin Tulfo.
Kaiba man sa meeting sinda House Senior Deputy Speaker asin Pampanga Rep. Aurelio “Dong” Gonzales Jr., House Committee on Appropriations Chairman asin Ako Bicol Partylist Rep. Zaldy Co, House Majority Leader asin Zamboanga City Rep. Manuel Jose “Mannix” M. Dalipe, asin ACT-CIS Edvic Yap.
Sinabi ni Robles kay Speaker Romualdez na target nindang matapos sa katapusan kan Oktubre nguian na taon an paagi para sa pagpapatupad nin pagsasabay kan professional fee.
Dugang pa ni Robles na igwang manlaen laen na tabang medikal na an pwedesir na makua kan mga pobreng pilipinong may helang, kaiba digdi an gikan sa PhilHealth asin Department of Social Welfare and Development (DSWD) o kaya man an programang Financially Incapacitated Patients (MAIFIP).
Sa ibong kaini, pigsabi ni Robles na kadakol pa man na pasyente an nadidipisilan na mabayadan an professional fee kan mga doktor asin digdi na suboot makakatabang an bagong programa kan PCSO.
Ipigpromesa man ni Speaker Romualdez na ipagpapadagos an pagbusol kan mga programa tanganing mas maging maayos an health care system kan nasyon.
