Pinahimutikan kan Philippine Coast Guard an alegasyon kan China nin suboot pagkakaag kan barko sa Escoda shoal bilang sarong outpost.
Kasunod ini kan haros duwang bulan ng pagtitinir kan BRP Teresa Magbanua sa Escoda Shoal magpuon pa kan Mayo.
Segun kay Philippine Coast Guard spokesperson for the West Philippine Sea Commodore Jay Tarriela, bako man na outpost an saindang barko alagad piggigibo sana kaini an trabaho na maproteksyonan an teritoryo kan Pilipinas.
Tinawang duon man ni Tarriela na anuman an gibohon kan Pilipinas sa Escoda Shoal, wara na nin pakiaram pa digdi an China huli ta parte ini kan teritoryo kan nasyun.
An China suboot an dapat na maghali kan saindang mga barko sa Escoda Shoal asin pundohon na an pangingiaram sa satong teritoryo.
Magigirumduman na nagpuon na magbantay sa nasabing shoal an barko kan Pilipinas makalihis na madiskubre an plano kan China na magsagibo digdi nin reclamation.
