Pig-agyat kan Philippine Coast Guard (PCG) an sarong barko kan China Coast Guard (CCG) nganing pugulan na makarani sa baybayon kan Pilipinas.
Sa saromg pahayag, pigtaram kan PCG, na-detect an 99-meter CCG 3302 na paparani sa laog kan 83 hasta 85 nautical miles sa baybayon kan Palauig, Zambales.
Sa radio challenge, pigtawan doon na an pagpapatrolya kan CCG 3302 an pagbayolar sa Philippine Maritime Zones Act, United Nations Convention on the Law of the Sea (UNCLOS), asin sa 2016 Arbitral Award.
Kabale an CCG 3302 sa 9 na behikulong pandagat kan CCG na ipigreport na nagpapatrolya sa Exclusive Economic Zone kan Pilipinas kan Enero.
