Nagkundusir nin underwater search and rescue (SAR) operation ang Philippine Coast Guard (PCG) nganing hanapon an tulong pasaherong nawawara makalihis magtaob an sarong bangka sa Mapanuepe Lake, San Marcelino, Zambales, kan Agosto 27, 2026.
Tulos na nagresponde an mga PCG divers asin nagsagibo nin underwater search sa lugar nganing maaraman an kinaroroonan kan mag nawawarang pasahero. Siring man, paramientras na pinundo an operasyon huli sa raot nin panahon dara kan habagat.
Segun ki PCG Spokesperson Commodore Noemie Cayabyab, nagkaigwa nin pag-uran mantang pigsasagibo an operasyon nanag resulta sa zero visibility rason nganing paramientras na ipundo an paghahanap.
Sinabi kan PCG na ipagpapadagos an search and rescue operation sa oras na magmaray an kamugtakan kan panahon asin magin ligtas para sa mga rescuers ang kondisyon. Padagos man na nakatutok an mga awtoridad sa insidente mantang pigsasagibo an mga kinakaipuhang lakdang para sa paghahanap sa tulong nawawarang pasahero.
