LEGAZPI CITY-Nagkondusir an Philippine Coast Guard (PCG) nin pre-emptive evacuation operation sa nagkapirang lugar sa Agno, Pangasinan kan Agosto 29, 2026, bilang pag-andam sa mga posibleng peligrong dara kan padagos na epekto kan habagat.
Kabale sa mga ginibong evacuation iyo an mga residente hale sa purok Pag-asa sa barangay Poblacion East asin sitio San Bruno sa barangay Bangan-Oda.
Maabot sa 9 na pamilya o 25 indibidwal an matrayumpong naibakwit pasiring sa mas ligtas na lugar.
Ginibo an operasyon bilang tulos na lakdang ngani maprotektaran an mga residente sa posibleng malalang kan kondisyon kan panahon, kabale na an pagbaha asin iba pang peligro na posibleng dara kan padagos na pag-uran.
Segun sa PCG, kaipuhan an marikas na koordinasyon asin marikas na pagresponde sa panahon nin emerhensya nganing maibitaran an pagkawara nin buhay asin mamantenir an kaligtasan kan mga komunidad.
An mga awtoridad padagos na nakikipagkoordinar sa mga lokal na gobyerno asin disaster response teams ngani maaraman an mga lugar na posibleng nangangaipo nin dagdag na tabang o evacuation.
