Pigsierto ni Presidente Ferdinand Marcos Jr. an saiyang suporta sa National Task Force to End Local Communist Armed Conflict (NTF-ELCAC).
Segun ki National Security Council Assistant Director General Jonathan Malaya na nanindugan an presidente na dae kaini bubuwagon an task force.
Ini sa ibong kan pangapudan kan Makabayang law maker na i-abolish an nasabing task force.
Segun ki Malaya na pigbisto kan Presidente an tagumpay kan task force sa pagpapaluya kan Communist Party of the Philippines/New People’s Army/National Democratic Front (CPP/NPA/NDF).
Basado sa report kan National Task Force to End Local Communist Armed Conflict buminagsak sa pinakahibabang numero an mga natatadang pwersa kan NPA.
Sa presente, nasa 1,050 na sana an natatadang armadong miembro kan NPA sa manlaen-laen na parte kan nacion.
Kairiba sa mga pigtutukdong rason kan pagbagsak kan NPA an pagkawara kan mga lider kaini siring ninda Joma Sison, Benito asin Wilma Tiamzon, asin Myrna Sularte siring man an pinahigot na operasyon kan militar asin kapulisan, Barangay Development Program asin an localized peace engagements.
