Kinumpirmar kan Department of Foreign Affairs (DFA) na may nakatalaang bilateral meeting si Presidente Ferdinand Marcos Jr. asin Russian President Vladimir Putin.
Sa pre-departure briefing sa Malakanyang, sinabi ni DFA Assistant Secretary Dominic Imperial na parte in kan pag-obserbar kan ika-50th anibersaryo ng diplomatic relations kan Pilipinas asin Russia.
Segun ki Imperial sa gigibohong bilateral meeting piglalaomang matutukar kan duwang lider an mga lakdang nganing mas mapakusog an kooperasyon kan duwang nacion sa larangan kan enerhiya asin food security.
Masentro man an pag-oolay ninda Marcos asin Putin sa pirang importanteng regional asin international issues siring kan epekto sa seguridad sa enerhiya asin pagkakan kan nagpapadagos na krisis sa Middle East.
Habo man pangenotan ni Imperial kun makapagsasara nin kasunduan an duwang nacion mapadapit sa orolay kan suplay kan langis, nuclear energy o renewable energy, kundi halaton na sana suboot kun ano an magigin kaluluwasan kan saindang pag-oolay.
Magigin parte man kan bilateral meeting ang kooperasyon sa pagultangan kan Pilipinas asin Russia sa larangan kan turismo, edukasyon, kultura, science and technology asin people to people exchanges.
