Pinirmahan na ni Presidente Ferdinand Marcos Jr. nganing dagos nang magin ley an propwesto na pagpapa-octaba kan 2025 Barangay asin Sangguniang Kabataan Elections.
Nakasaad sa nasabing ley na imbes na sa Disyembre 1, 2025, isasagibo na an BSKE sa masunod na taon sa Nobyembre 2, 2026.
Sa Republic Act 12232 nakasaad man na mapapalawig man an termino kan mga barangay asin Sangguniang Kabataan na gikan sa tulong taon magigin apat na taon na ini.
Sagkod tulong termino man na magkakasunod sana sa parehas na posisyon an mga barangay officials asin SK officials.
Nasa ley man an mga incumbent na barangay officials na nagseserbi kan saindang ikatulong magkasunod na termino an dae tutugutang magdalagan pa sa parehas na posisyon sa maabot sa Nobyembre 2026 Barangay asin SK Elections.
Pigsugo man kan ley an Commission on Elections na magluwas nin implementing rules and regulations mapadapit sa ley sa laog kan 90 aldaw.
