Napirmahan na ni Presidente Bongbong Marcos kan Huwebes, Setyembre 11 an Executive Order (EO) No. 94 na nagkekrear sa Independent Commission for Infrastructure (ICI).
An nasabing komisyon an ma-imbestigar sa mga alegasyon kan korapsiyon, iregularidad asin salang paggamit nin pondo sa mga proyekto kan gobyerno para sa flood control asin mga katakod na proyekto sa nakaaging 10 taon, susog sa news release kan Presidential Communications Office.
Susog sa Executive Order, bibilogon an ICI nin sarong chairperson asin duwang miyembro na “may napatunayang kakayahan, integridad, katapatan asin pagiging independence.”
An sarong sekretarya na pinamamayuhan kan sarong executive director na may ranggong undersecretary an matao nin administratibo asin teknikal na suporta.
Sentro kan ICI na magsiyasat, magtanggap, mangalap asin surion an mga ebidensya, report kan intelihensiya asin impormasyon mapadapit sa mga iregularidad sa mga proyekto kan gobyerno sa flood control asin iba pang imprastraktura.
Pigsugo man an ICI na magsagibo nin mga hearing, magkua nin mga testimonya asin mag-isyu nin subpoena para sa pag-atendir kan mga witness asin pagkua nin mga dokumentong kinakaipuhan sa saindang imbestigasyon.
Mandato man kan independent commission na irekomenda an paglaog kan mga witness sa Witness Protection Program asin kun kinakaipuhan, i-endorso an mga indibidwal para sa state witness status sa Department of Justice (DOJ).
Pigsusugo man an ICI na magkua nin mga dokumento asin impormasyon gikan sa Kongreso na may relasyon sa saindang imbestigasyon.
May karapatan man sindang magrekomenda nin pagsunad nin angkop na kasong kriminal, sibil o administratibo sa Office of the Ombudsman, DOJ, Civil Service Commission asin iba pang ahensya, pati na man an pagsuhestiyon nin mga lakdang para sa pagtutuwid asin mga propwestong ley nganing mapamarhay an transparency asin paninimbagan sa mga programa sa imprastraktura.
Prayoridad kan komisyon an pagsisiyasat sa mga flood control project sa laog kan nakaaging sampulong taon.
 No. 94 creating the Independent Commission for Infrastructure (ICI).){kind=link}