Legazpi City- Pinangaranan na ni President Ferdinand “Bongbong” Marcos Jr . an maribay sa posisyon ni Karlo Nograles bilang pamayo kan Civil Service Commission.
Base sa naging kompirmasyon kan Office of the Executive Security, si dating House Secretary General Marilyn Barua-Yap an magseserbing panibagong Chairperson kan naunambitang opisina.
An termino ni Yap an magtatapos sa February 2, 2029.
Mismong si Presidente Marcos an nag-appoint kay Yap makalihis na magresign sa posisyon si Nograles haros sarong semana an nakakalihis.
Si Nograles an nagserbi bilang kalihim kan Civil Service sa laog nin duwang taon.
Asin napag-araman na madalagan man sa pagka-Alkalde sa Davao City sa maabot na Midterm Election asin makakalaban kaini sa posisyon si Dating Presidente Duterte.
