Pinangenotan ni Presidente Ferdinand Marcos Jr. an pag-aalay nin burak sa bantayog ni Dr. Jose Rizal sa Luneta Park, Manila para sa pag-komemorar kan ika-129 anibersaryo kan Rizal Day.
Kaibahan kan presidente an saiyang pamilya sa pag-atendir kan importanteng aktibidad na ini.
Pigtaram kaini na an buhay ni Rizal padagos na nagtatao nin giya asin kusog sa mga Pilipino.
Segun sa Presidente, dapat na isabuhay kan namamanwaan an mga values na ipinapahiling kan pambansang heroe arog kan pagkamoot sa banwaan, katotoohan, asin kusog nin boot na ipaglaban an tama.
Hinagad man kaini sa mga jovenes na ipares an patriyotismo sa responsableng pagkanamamanwaan.
Sa saiyang talumpati, tinawan duon ni Marcos na an integridad asin accountability importanteng katangian kan mga lideres na piglalaoman kan banwaan.
Kasabay kan seremonya, ginibo man sa Rizal Park Open Air Auditorium an Christmas Gift program kan Presidente.
An pagkomemorar an nagserbing pagirumdom na an mga katukduan ni Rizal an dapat magtenir na buhay sa presente.
Sa kabilugan, nangapudan an Presidente na magin inspirasyon si Rizal sa padagos na pagbubusol kan matanos asin mauswag na sosyudad.
