Nangapudan si Presidente Ferdinand Marcos Jr. kaiba an Department of Budget and Management (DBM) na pinamamayuhan ni Secretary Amenah Pangandaman, sa gabos nin ahensya kan gobierno na gibohong simple asin makabuluhan an selebrasyon kan Pasko asin Year-End celebrations ngonian na taon.
Kasunod ini kan serye nin mga sakuna na nagrapado sa nacion.
Segun sa Presidente an lakdang na ini an parte kan pakisumaro kan gobierno sa mga Pilipinong padagos na nakakaeksperyensya nin mga kadificilan kan mga nakaaging kalamidad, kabale an makukusog na linog sa Visayas asin Mindanao, siring man an mga nagtamang bagyo sa manlaen-laeng lugar sa nacion.
Ipigpagiromdom man ni Presidente Marcos sa mga kawani kan gobierno na mas importante an diwa kan pagtataohan asin pagmakulog sa kapwa, urog na sa mga pamilyang padagos na nagbubuhat hale sa mga destrosong kawsa kan kalamidad.
Dugang pa kan DBM, an simpleng selebrasyon an paagi nganing masierto na magagamit nin tama asin may saysay an pondo ka namamanwaan, alinsunod sa prinsipyo kan matipid, responsable, asin makatawong pamamahala.
