Makalihis an mahigot na pag-aadal an mapipirmahan na ni Presidente Ferdinand Marcos Jr. ang General Appropriations Act (GAA) para sa fiscal year 2026 ngunyan na Lunes, Enero 5.
An pagpirma sa 2026 national budget na nagkakantidad nin P6.793 trillion an gigibohon sa paagi kan ceremonial signing sa Malacañang.
An General Appropriations Act 2026 an niratipikahan kan Kongreso kan Disyembre 29, 2025 asin tulos na isinairarom an enrolled bill sa masusing pag-aadal kan Presidente makalihis maisumiter sa saiyang opisina.
Obheto kan mahigot na pag-aadal na masierto na mapapasiring sa tamang proyektong pinagtagamahan an pondo asin direktang mapakinabangan kan namamanwaanm partikularmente na sa edukasyon, salud asin iba pang pangenot na sektor.
Huli sa dae naihabol na mapirmahan an 2026 national budget bago matapos an Disyembre 2025, nagkaigwa nin reenacted budget sa mga enot na aldaw kan 2026.
