PBBM mapadara nin sarong team sa Czech Republic para sa deportation ni Zaldy Co

Ipinahayag ni Presidente Ferdinand Marcos Jr. na magpapadara an gobyerno nin sarong “high-level coordination team” sa Czech Republic nganing tutukan asin bantayan an proseso nin deportation kan puganteng si dating Congressman Elizaldy “Zaldy” Co pabalik sa Pilipinas.

Sa sarong video statement, sinabi ni Marcos na pigsugo niya an Department of Justice asin an Department of Foreign Affairs na mangenot sa koordinasyon sa mga awtoridad kan Czech Republic manungod sa pagbalik ni Co.

Sinabi kan Presidente na si Co an nagtetenir sa kustodiya kan Czech Republic, asin naggigibo na an gobyerno kan mga kinakaipuhan na lakdang nganing mapadali an saiyang pagbalik sa Pilipinas.

Dugang pa kaini na dapat sunudon an tamang legal na proseso sa pagultanan kan mga nasyon, kaya kaipuhan an supisyenteng panahon ngani na isagibo ini nin tama asin susog sa maninigong proseso.

Inaresto si Co sa hangganan kan Germany makalihis na magbalyo hale sa Czech Republic.

Dai siya tinugutan na makalaog huli sa kawaran nin tamang dokumentasyon asin dae naghaloy an nakulong sa Prague.

Si Co an pigkokonsiderar na saro sa mga suboot mastermind sa likod kan mga anomaliya sa flood control asin infrastructure projects na nagkakantidad nin trilyong piso kan 2025.

Bako malinaw an saiyang kinamumugtakan poon kan siya an maghale sa nasyon kan Hulyo kan nakaaging taon, huli suboot sa medical reasons.