Pighayag ni Presidente Ferdinand Marcos Jr. na kayang masustenir kan saiyang administrasyon an P20 kada kilo nin bagas.
Segun sa Presidente, natupad na niya an promesa kan panahon kan eleksyon na makapagpabakal nin bagas sa kantidad na P20 kada kilo asin nasasabutan niya an sentimyento kan nagkapirang nagsasabi na for optics sana an saiyang proyekto.
Dugang pa ni Marcos, na kaya siya nahaluyang ipaotob an campaign promise na P20 kada kilo nin bagas huli ta kaipuhan niyang tabangan muna an mga paraooma siring kan pagbarewas nin mga makinarya.
Magigiromdomang enot na ipinaotob kan Department of Agriculture an pagpapabakal nin P20 kada kilo nin bagas sa Visayas asin susundan man sa Mindanao sa Hulyo.
An mga bagas na pigpabakal man sa Kadiwa centers an subsidiya kan gobyerno sa paagi kan Food Terminal Inc.
