Nagsayuma si Presidente Ferdinand Marcos Jr. na magtao nin komento sa duwang impeachment complaint na isinangat laban ki Bise Presidente Sara Duterte.
Segun sa Presidente, bako niya trabaho an magpaluwas nin pahayag dapit sa mga siring na bagay.
Kasunod ini kan kumpirmasyon ni House Secretary General Cheloy Garafil na nai-transmit na kan saiyang opisina sa Office of the Speaker an duwang impeachment complaints laban sa Bise Presidente para sa magkakanigong aksyon kan Kamara de Representantes.
Kumpiyansa suboot siya na susunudon kan hababang kapulungan an nakabugtak na proseso asin probisyon kan Konstitusyon sa pag-asikaso kan kaso.
