Sinugo na ni Presidente Ferdinand Marcos Jr. ang mga kinauukulang ahensya kan gobierno na siertohon an kaligtasan kan mga Pilipino sa Middle East kasunod kan mga serye kan pag-atake Iran laban sa mga base militar kan Estados Unidos sa Gulf Arab states.
Susog sa Department of Foreign Affairs (DFA), wara pa sa presenteng naireport na Pilipinong naapektuhan o nairido huli sa nagtitinding iriwal.
Magigiromdomang nagpuon ini makalihis an ginibong joint missile attack kan Amerika asin Israel na dae man pinalagpas kan Tehran.
Sa ibong na banda, inengganyar na kan diplomatic mission kan Pilipinas sa United Arab Emirates (UAE), ang mga Pilipino na magtinit na kalmado asin subaybayan ang opisyal na abiso hale sa gobierno kan UAE asin sa Embahada o Konsulado ng Pilipinas.
Sa Tel Aviv, inabisuhan man kan Embahada ng Pilipinas ang mga Pilipino na na magtenir sa laog kan harong asin magin preparado sa pagpasiring sa mga itinalagang shelter en kaso maglala an sitwasyon.
Siring man an Embahada ng Pilipinas sa Kuwait, kun saon inabisuhan an mga Pilipino na magtenir sa laog kan harong o sa ligtas na lugar, siertong may bastanteng baterya an mga mobile phone asin likayan an pagpapakalat nin salang impormasyon.
Naenot nang sinabi U.S. President Donald Trump sa sarong video post sa social media na nagsagibo an U.S. ng “major combat operations” sa Iran, asin inakusaran an Tehran sa padagos na nuclear program kaini.
