Inagyat ni Presidente Ferdinand R. Marcos Jr. si dating Ako Bicol Party-list Rep. Zaldy Co na mag-uli na sa Pilipinas asin hampangon an saiyang mga kaso nin korapsyon sa flood control kaysa magbulgar nin mga warang basehang mga alegasyon mantang nagtatago.
Enot nang ibinasura kan Presidente an alegasyon saiya ni Co na nahahamapang sa arrest warrant kaiba an 15 iba pa katakod sa kasong graft asin pagwawaldas kan pondo kan bayan sa maanumalyang flood control project sa Oriental Mindoro.
Tinawan-doon ni Marcos na an mga alegasyon na ini mantang nagtatago an warang saysay o kabuluhan huli sa habo kaining mag-uli asin patunayan an saiyang mga akusasyon.
Naenot digdi inanunsyar kan Presidente na nasa kustodiya na kan mga otoridad asin hampangon an saiyang mga kaso.
Nagsunad na man an Ombudsman nin kasong graft asin malversation cases laban kay Co asin mga opisyal kan Department of Public Works and Highways (DPWH) asin sa iba pang imbuelto hale sa Sunwest Corporation basado sa ebidensyang naguno kan Independent Commission for Infrastructure (ICI) asin DPWH.
