Ipigsuhestyon ni Presidente Ferdinand Marcos Jr. sa Kongreso an paramientras na pagsuspinde sa pagpapaotob kan Real Property Valuation and Assessment Reform Act (Republic Act No. 12001) ngani na maibitaran an gastos sa mga negosyo, ma-enganyar an pamumuhunan asin masierto an matanos na paglipat kan bagong property valuation system.
Ginibo kan presidente an pahayag sa ginibong Legislative-Executive Development Advisory Council (LEDAC) meeting sa Malacañang kan Agosto 6.
Segun ki Palace Press Officer Claire Castro, obheto kan propuesto na matawan nin bastante na panahon an pagpapaotob kan bagong valuation system.
Sa LEDAC meeting, natukar an 24 priority measures na target maipasa antes matapos an Hunyo 2027.
