LEGAZPI CITY—Inihayag kan Teachers Dignity Coalition na dapat mismong si Presidente Bongbong Marcos an magtaram katakod kan nasabing pahayag ni Palace Press Officer Undersecretary Claire Castro na may mga ibang paratukdo suboot na nagtutukdo sa mga estudyante na magin warang modo.
Ini kasunod kan nangyaring insidente nin pambabadil sa Ateneo de Zamboanga University.
Segun ki Teachers’ Dignity Coalition Chairperson Benjo Basas, sa intrevista kan Bombo Radyo Legazpi, kaipuhan na iklaro an nasabing pahayag na gikan ini sa Palasyo Malacañang asin kun pahayag ini kan Presidente.
Dugang pa ni Basas, ini an nganing maaraman kan publiko na kun hain an ‘puso’ kan Presidente sa nasambitang orolay.
Tinawan-doon man kaini na dae man ninda palalagpason o kukunsitihon an mga paratukdo en kaso man na nakagibo sinda nin labis.
Mientrastanto, sinabi pa niya na kinakaipuhan nin tabang kan lambang saro o whole-of-society approach para sa nasambitang isyu.
