Sienerto kan Malakanyang na dae apektado si Presidente Ferdinand Marcos Jr. sa pagbaba kan saiyang trust and approval rating basado sa pinakahuring survey.
Sienerto kan Palasyo na padagos sa pagganap kan saiyang mandato an Presidente na magtao nin maayos na buhay sa mga Pilipino.
Segun ki Palace Press Officer USec Claire Castro an nasambit na survey an naisakatuparan sa paagi kan partisipasyon kan 2,400 na respondents alagad dae ini nangangahulugan kan pangkahalatang sentimyento kan bilog na Pilipinas.
Siring man dapat suboot na maaraman an mga factor na nakaapektar sa opinyon kan mga respondent, siring kan mga impormasyong nakakaabot digdi, o kun apektado nin fake news an mga ini.
Si Presidente Marcos, segun ki Castro, ano man an magin resulta kan survey an padagos man liwat sa trabaho, sa paggibo nin tama, asin sa kun ano an minamandato kan ley, asin bako kun ano an pigdikta kan nagkapira.
