LEGAZPI CITY- Pigkumpirmar ni Presidente Ferdinand Marcos Jr., na ipigrekomendar ni DILG Secretary Benhur Abalos an pag dedeklara nin state of calamity sa bilog na Metro Manila.
Ini an huli sa matinding epekto kan bagyong Carina na pinakusog pa kan hanging Habagat.
Ginibo ni Secretary Abalos an saiyang rekumendasyon sa meeting na pinangenotan ni Presidente Ferdinand Marcos Jr., sa NDRRMC.
Segun sa Pangulo, nakatalaang mag convene an Metro Manila Council ngane na pagtibayin an pagdeklara kan state of calamity.
Dugang pa kan Presidente, nauubos na man an reserved funds kan mga local government units kaya kailangan na ninda nin tabang gikan sa national government.
Apwera sa Metro Manila, madeklarar man nin state of Calamity sa Calabarzon region.
Sa intrebista kay Abalos, sinabi kaining dakulang parte na kan Metro Manila an lubog sa baha lalo na sa CAMANAVA area partikular an Caloocan, Malabon asin Navotas.
Sa oras na maideklara an state of calamity, magagamit kan mga LGU an saindang calamity fund.
