LEGAZPI CITY- Ikinabigla kan mga taga-Barangay Cabangan, sa banwaan kan Camalig, Albay an pagkaka-reelect kan gabos na barangay officials sa lugar katakod kan nakaaging eleksyon.
Ini makalihis na liwat na manggana an presenteng punong barangay kan lugar kaibanan an gabos na incumbent na pitong kagawad kaini.
Sa ekslusibong intrevista kan Bombo Radyo Legazpi ki re-elected Punong Barangay Purisima Nocedo, aminadong magin siya an nabigla man sa liwat na pagkaka-elihir sa pwesto kaibanan an mga dati nang opisyal kan barangay.
Segun ki Nocedo, ini na kaenot-enoting bes na nangyari sa lugar na manggana an gabos na dating opisyal sa eleksyon.
Nagtutubod man an opisyal na an ipinahiling na magayon na performace kan lambang opisyal an mayor na rason sa liwat na pagpili sainda kan mga residente.
Napag-araman na 14 an naglaban-laban bilang barangay kagawad sa nakaaging May 14 elections mantang tolo man an sa pagka-punong barangay.
