Sinugo na kan Department of Transportation (DOTr) an Land Transportation Office (LTO) na tulos na imbestigaran an alegasyong suboot may mga kaso nin payola o panunuhol sa laog kan saindang ahensya.
Inisyu ni Acting Transportation Secretary Giovanni Lopez an direktiba bilang simbag sa pigplanong tolong aldaw na nationwide transport strike kan grupong Manibela sa Disyembre 9 sagkod Disyembre 11.
Segun sa opisyal na sinugo na niya si LTO Chief Markus Lacanilao na tugunan an isyu asin magsumiter nin rekomendasyon mapadapit digdi.
Piglalaoman na sa Martes an makapagtatao na nin rekomendasyon mapadapit digdi si Lacanilao.
Mahigot man suboot an abiso niya digdi na iprayoridad an mga kawani na may siring na alegasyon asin kun may ebidensiya an tulos na tanggalon sa trabaho.
