Patrabahong classrooms sa Bicol na dapat kuta magagamit na sa opening of classes, nahudyan huli sa late na release kan pondo-DPWH

LEGAZPI CITY- Nasa close monitoring hasta sa ngonian an Department of Public Works and Highways (DPWH) sa mga district engineering offices kaini katakod kan nagpapadagos na patrabaho sa mga classrooms sa bilog na rehiyon kan Bicol.

Segun ki Lucy Castañeda, tagapagtaram kan DPWH Bicol, totalmenteng 2, 456 an mga classroom an pigtatrabaho pa sa ngonian asin 40% pa sana sa mga ini an natatapos.

Nakatalaan na magamit na kuta an mga nasabing classroom sa antes o sa mismong pagbubukas kan kralesehan para sa school year 2017-2018 alagad huli sa hudyan na pagkadelay sa pagpapaluwas kan pondo kaya nahaluyan an progreso kan trabaho.

Napag-araman man na nasa P3.7 billion an nakatagamang pondo para sa kabilugan kan proyekto mientras na sa provincia kan Albay an pinakadakol na classrooms na ipigkokonstruir.