LEGAZPI CITY – Nasa kustodiya na ngonian kan Polangui Municipal Police an sarong pastor makalihis na sirbihan nin arrest warrants kan kapulisan na hali pa sa Southern Leyte.
Nahahampang suboot si Pastor Xiri Wyn Yap o Teddy Balagan sa tunay na pangaran, sa two-counts nin Estafa.
Sa ekslusibong intrevista kan Bombo Radyo Legazpi ki P/Maj. Ed Azotea, hepe ng Polangui PNP, kasubagong maagahon kan mag-abot sa hepatura asin makipag-cordinar an Hinunangan Municipal Police Station sa pamamayo ni PMaj. Dexter Edillo, dara an mga arrest warrants kontra ki Balagan.
Napag-araman na afuera sa pagigin pastor kan Missionary Baptist Church, si Balagan an pigsasabing kagsadiri man kan Best FM station sa nasabing banwaan.
Preparado man ining hampangon an mga nasabing kaso urog na aminadong nagkasala man bilang tawo.
Mientras tanto, piglalaomang maipo-proseso ngonian na aldaw an pagpiyansa kan nasabing pastor sa kantidad P25, 000 asin P40, 000 sa mga ini.
