LEGAZPI CITY – Mas pinili kan ibang byahero na amay na magpasiring sa mga terminal nganing mag-uli sa saindang mga pamilya nganing sabaton an bagong taon.
Segun sa biyahero na si Mark Gerson Dio sa intrevista kan Bombo Radyo Legazpi na nag-amay siya huli ta mawot niyang maka-uli na tulos sa saindang harong sa provincia kan Sorsogon nganing makalikay na man sa posibleng dagsaan kan mga pasahero.
Dae na suboot siya naglaog sa saiyang trabaho asin mas pinili nang mag-uli nganing makapreparar sa pagselebrar kan bagong taon kaiba an saiyang pamilya.
Ikinaugma niya man na dae naghalangkaw an pamasahe partikulamente na sa mga UV express na may mga rutang Legazpi-Sorsogon asin vice verza.
Prayoridad man ngonian ni Dio sa saiyang pagbyahe an mga pasalubong asin regalo para sa saiyang mga mahal sa buhay sa mga arug kaining okasyon.
Abiso niya man sa publiko na antes pa man magbyahe an ayuson na an mga dadarahong gamit, amayan an pagpasiring sa mga terminal nganing maka-aprobitsar sa mga byahe nin warang hassle.
