LEGAZPI CITY – Pabor an grupo nin mga paratukdo sa kongreso sa suhestyon kan sarong kongresista na ilipat sa sektor kan edukasyon an haros P200 Billion na ibabawas man sa flood control projects sa 2026.
Segun ki ACT Teachers Party-list Representative Antonio Tinio sa intrevista kan Bombo Radyo Legazpi na kada taon ini an saindang pigbubusol na bawasan an pondo sa flood control asin ilipat sa edukasyon para sa pagpapatugdok nin kadugangang classroom, paghire nin kadakol na paratukdo asin kadugangang gamit kan mga paratukdo asin estudyante.
Pagdoon niya man na kadakol kuta an pwedesir mapondohan o madugangan an pondo arug na sana kan sektor nin agrikultura na makakatabang man para sa pag-papauswag kan pagtatanom nganing matuldukan na an rice importation.
Alagad imbes suboot na mapakinabangan an pondo, an napaduman ini sa bulsa kan mga contractor o pulitiko asin an mas makahandal pa an dae man lamang sinda nasupog asin ipighambog pa an katas suboot kan saindang panghahabon.
Mientrastanto, dae man tugot an opisyal sa pangapodan kan ibang kongresista na punduhon an imbestigasyon kuni dapat an pabayaan nang an publiko an maghusga kun talagang may mga politikong imbwelto sa nangyayaring korapsyon sa mga programa kan gobierno.
Nagtutubod man si Tinio na dapat iluwas an pangaran kan mga imbwelto asin dapat na mapanimbag arug kan pagluwas kan mga pangaran kan mga imbwelto sa anomalya sa Priority Development Assistance Fund na may napadusahan asin nakulong.
