Nagtao an mga lokal na opisyal kan partidong United Russia sa rehiyon kan Murmansk nin mga burak asin meat grinder sa mga ina kan mga nagadan na suldados sa Ukraine bilang pagselebrar kan International Women’s Day.
Ipinahiling sa social media an mga opisyal na nakangirit mantang pig-aabot an mga regalo, na nagkawsa nin batikos hale sa mga netizen na inapod ining kahihiyan asin bako angkop.
Ang terminong “meat grinder” an kalimitang gamiton nganing iladawan an brutal na taktika kan Russia sa digmaan, kun saen kadakol na suldados an nagagadan.
Depensa kan lokal na sangay kan partido sa Polyarniye Zori, an mga kritiko an nagtatao nin “malupit asin mapanuksong interpretasyon” sa saindang mga regalo.
Segun kay Mayor Maxim Chengayev, dae kaiba sa orihinal na plano an meat grinder, alagad may sarong ina na naghagad kaini kun kaya dae ninda ini tinanggihan.
Dae naghaloy an nagluwas an partido nin video kun saen nagpapasalamat an sarong ina sa naresibi na meat grinder, na sinasabing haloy na niya ining mawot bakalon.
