LEGAZPI CITY-Narumpag an Agana Bridge sa Tarlac City huli sa padagos na pag-uran na epekto kan Habagat sa nacion.
Segun sa report kan Tarlac City Disaster Risk Reduction and Management Office, nangyari an insidente bandang alas 8:32 p.m. kan Sabado, Agosto 29.
Ini na an ikaduwang tulay na narumpag sa lugar, kun sain an enot, iyo an Aquino Bridge sa nasabing ciudad.
Sarong behikulo man an pigbabaretang nahulog digdi, asin saro digdi an naisalbar mantang pighahanap pa an apat na iba pa.
Huli kaini, napiritan an mga awtoridad na temporaryong isarado an nasabing agihan.
