LEGAZPI CITY- Puspusan na an pangadyi kan mga parientes sa Albay ni Bicolana beauty asin Binibining Pilipinas Universe Catriona Gray makalihis na pormal nang punan an Miss Universe 2018 journey kaini sa Thailand.
Sa ekslusibong intrevista kan Bombo Radyo Legazpi ki Salve Ragas, lola ni Catriona sa banwaan kan Oas, kumpiyansa ining maiuuli kan makuapo an korona.
Talentado suboot an apo sa musika na bisto man sa angkan kan mga Ragas sa Albay, magayon, matali asin mabuot pang tawo.
Proud na proud man si Ragas na dae nakakalingaw an Filipino-Australian beauty urog na Albay man an dinara kaining pangaran sa pagbali sa mga enot na national competitions.
Mientras tanto dawa dae man makakadalan nin personal sa pageant ni Catriona, inasegurar man kaining matutok na sana sa telebisyon asin makurahaw sa kada honra na itatao sa daraga.
Ikinaogma man kaini na kaibanan si Catriona sa mga early top picks kan pinaka-prestihiyosong pageant sa kinaban asin piglalaomang makakapag-uli kan korona sa gigibuhong coronation night sa Disyembre 17 sa Thailand.
