(Update) LEGAZPI CITY — Nangangapudan nin tabang an mga kaparientes kan sarong 60-anyos na babaye na nagadan makalihis na matamaan nin kikilat sa Barangay Padang, Legazpi City.
Magigirumduman na kasuodma kan tamaan nin kikilat si Editha Icban mantang nagluluto sa likod kan harong.
Sa intrevista kan Bombo Radyo Legazpi ki Punong Barangay Harold Bembenuto, nagdulok saiya an kaparientes kan biktima asin nangangapudan nin tabang sa pagpapalubong huli ta pigkakapos man sa buhay.
Segun ki Bembenuto, wara man nin ibang pigbabasol sa nangyari an kaparientes kan biktima huli ta wara man may mawot sa aksidente.
Mientras tanto, nag-abiso man an opisyal sa mga residente na maging maingat na sana tuyong nag-uuran asin nagkikikilat tangarig dae naman mautro pa an kaparehong insidente.
