LEGAZPI CITY – Sinuportaran kan pirang paratienda sa ciudad kan Legazpi an pahayag kan Department of Trade and Industry (DTI) na supisyente na an P500 para sa noche buena kan pamilyang pilipino.
Alagad paglilinaw ni Alicia Miranda sa intrevista kan Bombo Radyo Legazpi na kasya na an nasambitang kantidad arug sa saindang sadit sana an miyembro kan pamilya.
Magigirumduman kaya na naenot nang pigtawan linaw kan ahensya na an P500 Noche Buena an para sa apat na miyembro kan pamilya asin bako sa limang miyembro arug kan enot nindang mga pahayag.
Suhestyon niya man na dugangan na sana an kantidad kun dakula an miyembro kan sarong pamilya urog nang padagos an paghalangkaw sa presente kan mga babarakalon.
Sa hiling man kan naunambitang paratienda na pwedesir niya sanang mabakal na pang-noche buena sa kantidad na 500 pesos iyo an spaghetti asin hamon asin dugangan na sana suboot nin tinapay.
Pagdoon niya man na garing dae nasasabotan kan ahensya an tunay na presyo kan mga babarakalon sa mga pampublikong merkado asin mga grocery store.
Pagirumdom ni Miranda sa DTI na maggibo nin lakdang nganing magbaba an presyo kan mga babarakalon nganing magkasya na an P500 sa noche buena kan pamilyang pilipino.
 that P500 is sufficient for the Noche Buena of the Filipino family.){kind=link}