LEGAZPI CITY- Panlulumo an namatian kan pamilya asin kan grupo na nagpasiring sa Northern Samar makalihis na ibang tawo an bangkay na nadukayan sa naunambitang probinsya.
Sa intrevista kan Bombo Radyo Legazpi kay Lhay Dela Peña, barangay kagawad kan San Pascual Masbate, grabe an paglaom na kuta an namatian kan pamilya ni Dan-Dan na an nadukayan sa parte kan Northern Samar.
Alagad nadismaya an mga ini kan ibang tawo palan an nadukayan.
Napag-aaraman na igwang ipinadarang mga ladawan an mga otoridad para kumpirmaron na an lawas na nadukayan sa probinsya.
Tulos man na nagbyahe an pamilya kaibanan an mga opisyal kan barangay pasiring sa Northern Samar para kuwaon an bangkay alagad pagkailing kan bangkay nakumpirmar na ibang lawas palan ini.
Padagos man an pangapudan kan opisyal sa mga namamanwaan na makipagkoordinar sa saindang opisina o sa pamilya para magtaong impormasyon sa nakailing sa lawas o sa posibleng lokasyon ni ” Dan-Dan “.
Meintrastanto nasa sarong bulan nang pinaghahanap si Dan-dan makalihis banggaon kan dae pa maaraman na vessel an saindang bangka sa parte kan Burias Island sa Masbate kan Agusto 10, 2024.
