LEGAZPI CITY – Wara nang buhay kan madukayan kan mga kapariyentes kaini an sarong parasisira hali sa Purok 4 Brgy. Baybay, Tiwi, Albay.
Sa testimonya kan pamilya kan biktima sa mga otoridad, Martes pa kan huring mahiling kan mga ini si Agosto Corteza antes magpasiring sa kadagatan ngani na mangisisira alagad dae na ini nagbalik pa sa harong makalihis an nagkapirang aldaw.
Alagad kasubagong maagahon kan madukayan an hawak kaini na pinagtutubudan na nalamos sa kasagsagan kan raot kan panahon kun sain uminabot sa Red Warning Level kasuudma an rainfall alert sa probisnya.
Posibleng nadara suboot kan makusog na duros pasiring sa baybayon an 60-anyos na parasisira kan mahiling ini ni Jose Bordeos na residente man kan nasambitan na lugar.
Mientrastanto, tulos man na dinara sa health unit an bangkay kaini para sa post-mortem exam.
