LEGAZPI CITY- Haros maputol an payo kan sarong parasira sa Barangay Inapugan, Pilar, Sorsogon makalihis na badilon asin gurutan sa liog kan bantay dagat member.
Binisto kan Pilar Municipal Police Station an biktimang si Jose Lupangos, 40-anyos na sarong parasisira sa lugar.
Base sa impormasyon na naguno kan Bombo Radyo Legazpi, nagluluwas sa imbestigasyon kan pulisya na nagsugod an biktima sa harong kan suspek na si Carvic Lorda sa harong kan biktima ngani na agyaton ini nin iwal.
Digdi na nagkaigwa nin matinding ribayan nin maiinit na taramon an duwa asin sa dae piglalaoman na pangyayari, bigla na sanang nagbulnot nin badil si Lorda asin pinaputukan sa daghan an biktima.
Dae pa ini nakuntento sa ginibong pambabadil kun kaya ginurutan pa sa liog an parasira gamit an ginunting.
Sa tarom kan ginamit na sundang ni Lupangos, pigsasabing haros maputol an payo ni Lupangos.
Tulos man na nagdulag an suspek pasiring sa direksyon kan Brgy. San Antonio Sapa sa parehong banwaan lunad kan motorized banca.
Pig-aaram pa kan mga otoridad an motibo kan nasambitan na bantay dagat member sa panggagadan sa biktima mantang nagsasagibo na an mga tauhan kan Pilar MPS nin pursuit operation para sa pagkakadakop digdi.
Dinara sa Leosala Funeral Homes an bangkay kan parasira para sa otopsiya.
