Nakiaram an Halangkaw na Korte sa Ireland nganing protehiran an kapakanan kan sarong paraoma na nagtao nin labing €350,000 (haros ₱21.7 milyones) sa mga nagtitios asin daing istaran.
Susog sa korte, an lalaki—na nasa edad na 40—ipinabakal an saiyang omahan sa kantidad na €600,000 asin poon kaidto nagdodonar na siya.
Nagtutubod siya na sinabihan siya nin Diyos na itao an gabos niyang kwarta karibay nin sarong lugar sa langit.
Sa hampangan ni Judge Michael Twomey, inilahad kan abogado kan Health Service Executive (HSE) na si Katherine Kelleher na poon Mayo an buminaba an bank balance kan lalaki hale €288,000 sagkod €250,000, asin na dai pa sana nahahaloy nagtao siya nin €1,000 sa sarong babaeng daing harong.
An mas nakakahadit, susog sa HSE, igwa nin overdraft na €65,000 sa saro sa saiyang mga account, na nagpapahiling nin padagos asin daing kontrol na pagdonar nin kuwarta.
Bilang resulta, ipinagboot kan huwes na magdesignar nin sarong guardian ad litem—sarong representante na pinili kan korte nganing seguradohon an pinakaikakarahay kan lalaki.
Tinogotan man kan korte an guardian na gibohon an gabos na kinakaipuhan na lakdang, kabale an pagsiyasat sa bangko kan paraoma.
An kaso dadangogon giraray sa Setyembre, asin an lalaki mantenidong dae pinangaranan sosog sa pagboot kan korte.
 to the poor and homeless.){kind=link}