Paraoma, tinigbas sa hampang kan barangay hall sa Casiguran, Sorsogon
LEGAZPI CITY — Nagpapadagos ngunyan an ipigsasagibong pusuit operation kan mga otoridad sa suspek sa paninigbas sa sarong paraoma sa Barangay San Juan, Casiguran provincia kan Sorsogon.
Nabisto an biktima na si Roland Hamto Pernecita, 38-anyos asin residente kan nasambitan na barangay.
Segun sa inisyal na imbestigasyon kan Casiguran Municipal Police, naglalakaw an biktima sa hampang kan barangay hall kan biglang magrani an suspek na si Querico Haya Basqueña, 59-anyos, dara an tabak na ginamit kaini asin tinigbas an pandok kan biktima.
Tulos man na naidalagan sa ospital an biktima para sa medikal na tratamento mantang nakadulag man an suspek.
Sa presente padagos pang pig-aaram kan mga otoridad an motibo sa nasambitan na paninigbas.
