LEGAZPI CITY — Nagpaparahay na an paraomang biktima nin paninigbas sa Barangay White Deer, banwaan kan Jovellar sa Albay.
Binisto an biktimang si Joseph Tolosa, 46 anyos.
Base sa imbestigasyon kan Jovellar Muncipal Police Station, naglalakaw an biktima sa may tinampo kan naunambitang luar kan bigla na sana ining pagbubungagon asin pagtitigbason kan suspek na si Jun-jun Bagangan kan Brgy San Isidro sa parehong banwaan.
Tulos man na dinara an biktima sa opsital na nagsapar nin tama sa tuong bitis, bukong-bukong asin iba pang parte nin hawak.
Dae man maaraman kan biktima an motibo sa nasabing paninigbas.
Sa presente, nagpapadagos pa an imbestigasyon kan kapulisan dapit sa nasabing insidente mantang pighahanap naman an naunambitang suspetsado.
