LEGAZPI CITY-Piganunsyar kan konseho kan Barangay Victory Village North Legazpi City na nadakop na an persona na imbuelto sa panghahabon sa saindang lugar.
Segun kay Punong Barangay Honorable Antonio Loveriza, sa intrevista kan Bombo Radyo Legazpi, na inimbitaran an nasabing persona sa barangay hall huli sa sarong bagay asin pigturn over sa kooperatiba para sa magkakanigong aksyon.
Imbuelto suboot ini sa panghahabon nin laptop asin iba pang gadgets.
Nagnegar man suboot na saiyang pigpapabakal an mga nasabing kagamitan alagad, naberipika ini kan kooperatiba na saro ini sa mga nawawarang mga gadget.
Katakod kaini, tulos man na nagtugon an kapulisan asin padagos na pinagbabantayan kan mga Barangay Tanod an saindang lugar.
Pig-aabisuhan man an gabos na dapat magin alerto asin dai dapat magin kampante orog na sa ngonian.
Karibay kaini, madugang man sinda nin mga Solar Light asin CCTV ngani makatabang sa pag-monitor kan barangay.
