Mapoon na ngonian na aldaw an papal conclave, kun saen nakatalaang pumili an mga Catholic cardinal kan masunod na santo papa.
Kabilugang 133 cardinal electors hale sa 70 nacion, an kwalipikadong mapili kan mapalit sa namaaram na si Pope Francis
Matenir an mga cardinal sa laog kan Sistine Chapel asin gugugulon an oras nganing pagnilayan asin pilion kun siisay an masunod na Catholic leader.
Bago dagos na magpoon an conclave, magsasagibo muna an mga cardinal nin final general congregation.
Bubuksan an conclave sa paagi kan sarong banal na misa na aatendiran kan gabos na mga kardinal.
Pagbabawalan an mga cardinal na magkaigwa nin komunikasyon sa luwas kan Sistine Chapel mantang puputulon na man kan Vatican an gabos na phone signal sa laog kan teritoryo kaini poon alas-9 nin banggi oras sa Pilipinas.
Magtutuloy-tuloy ini hasta sa mai-elihir na an bagong santo papa.
Mientrastanto, huli sa kadakol na cardinal, bako gabos sainda an natawan nin sadiring room sa Santa Marta guesthouse.
An iba, segun sa Vatican, an paramientras na magtetenir sa Santa Marta Vecchia, saro pang guesthouse na kalimitang piggagamit para sa mga Vatican officials.
An room assignment kan mga cardinal an gigibuhon sa paagi kan bunutan.
