LEGAZPI CITY- Personal na nagpasiring sa banwaan kan Camalig, Albay an team kan Public Attorney’s Office (PAO) experts tangarig na isairarom sa eksaminasyon an bangkay kan 13-anyos na soliteritong pigtutubudang nagadan sa komplikasyon kan pagkakaturok ng dengue vaccine na Dengvaxia.
Sa ekslusibong intrevista kan Bombo Radyo Legazpi kkiay PAO chief Atty. Persida Acosta, igwa suboot na pagkakapareho an mga nahiling na sintomas ki “Arjay” siring kan nagdakulang tulak asin pagkulog kan lawas sa iba pang ineksamin na mga aki.
Dawa pa nakakaag sa findings kan doktor na pulmonary arrest an ikinagadan ni Arjay, nagtutubod si Acosta na igwa pang mas hirarom na rason digdi urog na curable naman an tuberculosis.
Enot naman na ipighayag kan ina ni “Arjay” na si Analyn Llantero na tolong beses ining natudukan kan dengue vaccine taong Hunyo 2016 hasta Enero asin Setyembre 2017 mantang nag-aadal sa Pampanga.
Si Arjay an pigsasabing ika-65 na aking nagadan makalihis na makaresibe kan kontrobersyal na Dengvaxia vaccine sa irarom kan immunization program kan gobierno.
